18TH ROSE

18th Rose (2026)

Directed by: Dolly Dulu

Hindi mo agad makikitaan ng spark at chemistry ang dalawang bida. Sa unang tingin, pwede silang pumasa bilang mag-tropa. Pero habang tumatagal, hindi mo aakalain na bagay din pala bilang mag-jowa. Unti-unting tumataas ang interes mo sa kanilang relasyon.

Kahit punong puno ng cliché at tropes, masaya siyang panoorin. Laughtrip ang mga asaran. Witty ang mga punchlines. Bentang benta ang paggamit sa fertilizer at colonizer. Mababaw man o mabigat ang kanilang pinag-aawayan, masarap itong subaybayan.

Epektibo ang paggamit sa romcom formula. Nakakatawa ang comedy. Nakaka-kilig ang romance. Nakaka-iyak din pagdating sa drama. May kiliti at kirot na naibibigay ang pelikula.

Tatak Pilipino ang pagkakasulat sa kwento—mula sa pangarap, pamilya, pagdiriwang, at pamumuhay.

Set in the early 2000s, the film transports us to a time when the most important connection wasn’t the internet, but human connection. Taking place in Romblon, the cinematography captures the simple way of living. There’s no heavy traffic to get stuck in, only bicycles along the road and walks along the sand. The scenery is stunning yet never overpowering, quietly enhancing the scenes.

Whenever a montage appears, the aspect ratio changes, turning the film into an old-school music video.

The songs are cool and replay-worthy, but it’s frustrating that most of the them aren’t available on music platforms yet. So far, only Kyle Echarri’s “𝘒𝘶𝘯𝘨 𝘈𝘬𝘪𝘯 𝘈𝘯𝘨 𝘔𝘶𝘯𝘥𝘰” is accessible, while tracks by Marko Rudio, Omar Uddin, and Vic Robinson are nowhere to be found.

Napaka-expressive ng pagmumukha ni Xyriel Manabat. Para siyang emoji na may iba’t ibang reaction na kanyang ipakita. Kapag ginagawa niyang maangas ang kayang pananalita, hindi ito natural pakinggan, ngunit hindi mo na rin ito masyadong papansin dahil sa kanyang galing. Punchline man yan o quotable line, nabibigyan niya ng diin at bigat ang mga linyang kanyang binibitawan. Hindi niya tinitipid ang pagbuhos ng kanyang mga emosyon.

Sa lahat ng nagampanang role ni Kyle Echarri, ito ang pinaka-swak at bagay para sa kanya. Mula sa buhok, pananamit, pananalita hanggang sa katangian ng karakter, mabilis at natural niya itong nabigyang buhay. Hindi rin siya nagpahuli pagdating sa mabibigat na eksena.

Mapa-comedy o drama, may bakas ng sinseridad na naibibigay sina Donna Cariaga at Cai Cortez. Ramdam ang pagiging magulang nina Cris Villanueva, Yayo Aguila, at Nikki Valdez. Dagdag saya kapag nakiki-gatong ang kanchaw trio na sina Kenken Nuyad, Timothy Castillo, at VJ Mendoza.

Maraming gustong puntahan ang pelikula, pero meron ding silang hindi napupuntahan. Kahit maraming estudyante at madalas silang nasa eskwelahan, wala eksena sa loob ng classroom at walang usapan tungkol sa pag-aaral.

Ang OA ng mga tao na nagkakadarapa sa foreigner. Nakakalungkot na pwedeng manalo ang isang kandidato na walang plataporma at hitsura lang ang puhunan. Masakit mang isipin, ang ipinakita sa pelikula ay representasyon lamang kung paano magdesisyon ang mga Pilipino.

Hindi mukhang totoo ang mga buhok na ipinakita. Nakakapang-hinayang dahil importanteng elemento pa naman yun sa pelikula. Gayunpaman, naitawid pa rin nila ang eksena dahil nakakadala ang mga artista.

May mga nangyari sa mga karakter na hindi kinakailangan. Hindi pangmalakasan ang mga huling sandali. Ngunit sa kabuuan, nakapag-iwan pa rin ang pelikula ng mga magaganda at masasayang ala-ala.

Just like a rose, the film has its thorns but the beauty of it remains. The birth of this newest original Filipino film deserves to be celebrated.

It always feels like a birthday whenever the world’s largest streaming platform releases an original Filipino film. But this time around, it calls for an extra special celebration—much like a debut.

Living up to its title, 18𝘵𝘩 𝘙𝘰𝘴𝘦 blossoms beautifully, emerging as one of the better Netflix PH originals.

𝟏𝟖𝐓𝐇 𝐑𝐎𝐒𝐄 🌹

Cast: Xyriel Manabat, Kyle Echarri, Donna Cariaga, Cai Cortez, Kenken Nuyad, Timothy Castillo, VJ Mendoza, Nikki Valdez, Yayo Aguila, Cris Villanueva

Screenplay by: Dolly Dulu, & John Carlo Pacala

Presented by: Clever Minds, Inc.

Release Date: April 9, 2026 on Netflix

A Movie Review by: Goldwin Reviews