top of page

BECKY AND BADETTE

Becky and Badette (MMFF 2023)

Directed by: Jun Robles Lana


Finally… a perfect Filipino comedy film is now existing through the presence of 𝘉𝘦𝘤𝘬𝘺 𝘢𝘯𝘥 𝘉𝘢𝘥𝘦𝘵𝘵𝘦.


Eto ang kauna-unahang comedy film na nakatanggap ng 5/5 rating mula sa Goldwin Reviews.


Hindi tayo mapapahiya rito.

Sulit ang oras at pera niyo rito.


Hindi ka lang lalabas sa sinehan nang masaya, uuwi ka na alam mong sulit ang palabas na napanuod mo. Meron kang instant ROI.


Nanumbalik ang experience na humalaklak na rinig sa buong sinehan. Hindi lang halaklak, meron ding palakpak na may kasamang sigawan. Tapos magkwekwentuhan kayo after manuod kung anong mga eksena ang nakakatawa. Hindi na kayo natapos kaka-enumerate dahil andami palang nakakatawa.


Pang-Pinoy ang mga jokes. Gets mo’to dahil lumaki ka sa Pinas. Kilala mo ang tinutukoy nilang mga personalidad. Pamilyar ka sa mga linyahan. Iba’t ibang references ang meron, at ang sarap tawanan lahat ng mga iyun.


Nakaukit na sa bato na sina Eugene Domingo at Pokwang lang ang pwedeng gumanap bilang Becky & Badette. Magkaiba silang atake pero parehas silang magaling. Mahusay nilang pinaglaruan ang kanilang mga karakter, at hindi sila nagkulang sa pagbigay ng kulay at puso para rito.


Ang karamihan sa mga ekstra at special participation ay gamit na gamit din. Kahit isa o dalawang eksena lang sila, meron kang happy memory mula sa kanila.


Ang festive ng production. Ang bongga ng mga outfits. Ang sosyal ng mga hitsura nila. Ang catchy ng mga kanta. Ang lively ng mga tunog. Lahat ng masaya at maganda ay nandito na.


Kadalasan kapag comedy film, ang expectation ay sana matawa ka lang. Pero hindi lang yun ang nagawa nila, may saysay ang kanilang kwento at may laman ang kanilang mensahe. Hindi pilit ang kanilang social commentary dahil duon talaga umikot ang istorya. May tamang hugot ang bawat punchline. May lalim ang mga pasabog.


Makabuluhan ang bawat tawanan. Masarap pag-isipan at balik-balikan. Kapag sinabing comedy film, ang una mo nang maiisip ay ang kanilang mga pangalan.


The highest standard in Philippine comedy

now goes by the name of 𝘉𝘦𝘤𝘬𝘺 𝘢𝘯𝘥 𝘉𝘢𝘥𝘦𝘵𝘵𝘦.


Remember their names.


BECKY AND BADETTE

⭐️⭐️⭐️⭐️⭐️


Cast: Eugene Domingo, Pokwang, Agot Isidro, Romnick Sarmenta, Adrian Lindayag, Angie Castrence, Peewee O’Hara

Special Participation: Iza Calzado, Karylle, Sunshine Dizon, Via Antonio, Ice Seguerra, Sheryn Regis, Joross Gamboa, Empoy, Sharlene San Pedro, Janice de Belen, Moira dela Torre, Gladys Reyes, Christian Bables

Screenplay by: Jun Robles Lana

Presented by: The IdeaFirst Company

Release Date: December 25, 2023 in Philippine cinemas nationwide

A Movie Review by: Goldwin Reviews 


See GR awards here. See GR ranking here.

🎫  WIN MMFF PASSES BY JOINING HERE: https://www.goldwinreviews.com/post/mmff-2023-passes

8 comments
bottom of page