KMJS: GABI NG LAGIM

EPISODE 1 of 3

Pocong (KMJS GNL 2025)

Directed by: Yam Laranas

Nakakatakot sana ang istorya nito. Nasa gitna ka ng karagatan, walang malapitan kung sakaling kailanganin mo ng tulong. Hindi siya nalalayo sa realidad. Nakakakilabot ang ending. Pero hindi naging maayos ang daan papunta dun.

Walang agos ang pagkwento. Mabilisan at tumatalon ang mga eksena. Hindi naipakita ang buhay seaman sa loob ng barko. Dahil hindi ka nakakapit sa kanilang kwento, mabilis ka ring bibitaw sa mga pinagdaraanan nila.

Pares-parehas ang paraan ng pananakot. Nakakasawang makita si Pocong. Hindi nakatulong na maliwanag ang mga eksena. Nakakabawas sa kababalaghan. Mukhang peke rin ang mga alon at ang hitsura ng barko kapag ipinapakita ito nang buo.

Makakasunod ang plottwists at walang pahinga. Hindi naglaan ng oras para pagdudahan ang mga nasa paligid. Bigla na lang nagkaroon ng kwento ang mga karakter.

Bitin ang impormasyon tungkol sa Pocong. Kinulang din sa magandang direksyon. May potensyal na maging malagim, pero hindi sila tuluyang nakarating doon.

𝐏𝐎𝐂𝐎𝐍𝐆

Cast: Miguel Tanfelix, Jon Lucas, Kristoffer Martin, Arra San Agustin, Eva Darren, Art Acuña, Karl Medina, Phi Palmos

Written by: Yam Laranas, Onay Sales-Camero

EPISODE 2 of 3

Berbalang

Written & Directed by: Dodo Dayao

Ang ganda pagmasdan ng episode na ito. Pinag-isipan kung saan ang anggulo ng kamera. Pinagtuunan ng pansin kung paano ipapakita ang bawat eksena.

Maliit lang ang kanilang espasyo, ngunit nagawa nilang paglaruan ito. Malikhain ang atake. Hindi siya nakakatakot, pero may dalang aksyon. Nakakapanabik panuorin.

Kaunting impormasyon lang ang naibigay tungkol sa Berbalang. Sa pamamagitan ng salita, nailarawan nila ang hitsura nito. Nung tuluyan na siyang ipinakita, manghihina ka dahil hindi maganda ang visual effects. Nakakadismayang makita sa big screen. Lokohan ang hitsura, pero seryoso ang aktingan.

Bagay maging superhero si Sanya Lopez. Dakila siyang kumilos. Kapag siya ay umaarte, tumataas ang drama at tensyon. Ramdam na meron siyang ipinaglalaban. Maayos din ang naging pagganap ng buong cast.

Kahit may pagkukulang sa effects at sa istorya, nakakatuwa kung paano tumakbo ang kwento. Magaling ang pagkaka-direk. Malakas ang naging pagtatapos.

Hindi ka man natakot sa Berbalang,

ang direksyon ay hindi binale wala lang.

𝐁𝐄𝐑𝐁𝐀𝐋𝐀𝐍𝐆

Cast: Elijah Canlas, Sanya Lopez, Jojit Lorenzo, Nicco Manalo, Joel Saracho, Mikoy Morales, Rocco Nacino

EPISODE 3 of 3

Sanib

Directed by: King Mark Baco

Sanib (KMJS GNL 2025)

Directed by: King Mark Baco

Ito ang pinaka-joke-time sa tatlong episodes. Naging slapstick comedy ang atake. Pinaghalong magic show, acrobatics, at teleserye ang mga kaganapan. Nakakatawa siyang panuorin.

Pangkaraniwan ang istorya, pero sabog ang pagkakagawa. Hindi naipakilala ang mga katauhan. Derecho agad sa bakbakan. Hindi ka maaawa at mag-aalala para sa kanila. Walang pangamba sa mga nangyayari.

Nakakairita kung paano nalutas ang mga problema. Ang simbahan ay nagmukhang modeling agency dahil sa mga talents na rumarampa. Hindi naibahagi ang malakas na pananampalataya.

Sa sobrang liwanag ng mga eksena, hindi mo mararamdamang horror ang pinapanuod mo. Halatang peke ang mga effects. Okay sana ang make-up, pero halos buong magdamag ay pinapakita ito, kaya naging ordinaryo na lang siyang tingnan.

Maganda at makinis ang kutis ni Jillian Ward. Kaya talagang mapapansin ang pagbabagong nangyari sa kanyang mukha nung sinaniban na siya. Maliban dun, nakita rin ang transpormasyon sa kanyang pag-arte—mula sa pagiging mahina papunta sa pagiging makapangyarihan. Pero dahil sa takbo ng mga eksena, hindi na siya naging nakakatakot.

Kahit gaano kagaling ang mga artista, mas nangibabaw ang komedyang handog ng pelikula. Bilang ito ang huling episode, lalabas ka sa sinehan nang may ngiti sa labi.

Imbes na kababalaghan,

sasanib sa’yo ang kasiyahan.

𝐒𝐀𝐍𝐈𝐁

Cast: Jillian Ward, Therese Malvar, Ashley Ortega, Lotlot De Leon, Vince Maristela, Eli Padilla, Philippe Shoaf, Nikki Co, Cheska Fausto,, Rolando Inocencio, Martin Del Rosario, Epi Quizon

Written by: Onay Sales-Camero, Anton Santamaria

OVERALL REVIEW

KMJS Gabi ng Lagim The Movie (2025)

Directed by: Yam Laranas, Dodo Dayao & King Mark Baco

KMJS is known for its extensive research, but the information presented in all three episodes are underwhelming. They’re not sufficient to leave a lasting and haunting impact.

The "based on true stories" statement didn't amplify the fear, but instead, it highlights a missed opportunity to showcase compelling stories. The script overlooks the rich myths and culture surrounding each topic.

Scenes are very limited, making the flow mostly abrupt. Additional commentaries could’ve helped, but it’s never there. The texts, appearing on screen, are more effective than the scenes themselves. The existence of both the texts and a host is quite redundant, undermining the purpose of having the latter.

Jessica Soho is definitely underutilized. The narrations provide no additional insights to the story. It seems like her name is being used just to carry the whole movie. Unfortunately, it’s not enough to save it.

Aside from the script, the visual effects are a real disappointment. It looks awful on the big screen.

When it comes to other horror movies, we complain about how dark they are. It’s the opposite this time. The bright lighting and color grading take away the mystery of the creatures. You won’t even feel the darkness of the night—or whatever terror it brings.

The first-ever Gabi ng Lagim theatrical release didn’t establish a good standard for any future installments, should there be any.

Bigo silang maghasik ng lagim.

𝐊𝐌𝐉𝐒: 𝐆𝐀𝐁𝐈 𝐍𝐆 𝐋𝐀𝐆𝐈𝐌

Cast: Miguel Tanfelix, Elijah Canlas, Sanya Lopez, Jillian Ward

Written by Yam Laranas, Onay Sales-Camero, Anton Santamaria, Dodo Dayao

Narrated by: Ms. Jessica Soho

Presented by: GMA Pictures

Release Date: November 26, 2025 in Philippine cinemas nationwide

A Movie Review by: Goldwin Reviews

WHAT'S YOUR FAVORITE EPISODE?

• Change Image

  Pocong
• Change Image

  Berbalang
• Change Image

  Sanib