Rewind (MMFF 2023)
Directed by: Mae Cruz Alviar
A husband wants to rewind the moment when her wife was still alive.
Nakakahawa ang ngiti at tawa ni Marian Rivera rito, pero mas lumalabas ang puso niya kapag siya’y nagagalit na. Kailangang makinig sa mga sasabihin niya.
Napakagaling ni Dingdong Dantes. Malakas ang kapit mo sa kanya dahil buong buo niyang ginampanan ang kanyang karakter. Magagalit at maaawa ka nalang minsan sa kanya dahil sa ginagawa niya rito. Siya ang nagdala ng buong pelikula.
Andaming ibang mga karakter dito na nasayang at hindi nagamit nang lubusan. Halos dumaan lang sina Coney Reyes, Ariel Ureta, at Lito Pimentel. Hindi tuloy ramdam ang kanilang pagiging magulang dito. Marami pang iba na isa o dalawang beses lang din ipinakita.
Nabigyan ng sapat na oras si Joross Gamboa para magpatawa kaya maaalala mo siya. Masaya siyang makita sa mga eksena.
Gamit na gamit ang kantang “Sa Susunod Na Habang Buhay” ng Ben&Ben. Bagamat maganda at nakakadala ang kanta, nakasalalay dito kung iiyak kaba o hindi. Masyado silang umasa sa kanta. Hindi gaanong tumulong ang scoring.
As the lead actor and actress, Dingdong Dantes and Marian Rivera did their best, but the script and direction weren’t enough. The movie heavily relied on the chemistry of DongYan, failing to establish them as partners in this story.
Mahirap maramdaman na sila ay mag-asawa dito sa pelikula dahil fast forward ang datingan ng mga eksena. Nagmamadali silang magkwento. Narration ang naging pundasyon ng kanilang love story. Patingi-tingi ang awayan. Saglit lang ang lambingan.
Hindi nasusulit ang mga usapan nila. May mas igaganda pa ang mga linya. May mga diskusyon na hindi na lumalalim pa. Ang mga realisasyon ng bidang karakter ay mabilisan lang din.
Gusto mong i-slow motion ang bawat sandali para mas manamnam mo ito. Pero hanggang rewind lang ang nagawa nila.
Masarap panuorin ang mga sandaling sila ay naging masaya. Gusto mo itong balik-balikan. Duon mo nararamdaman kung paano sila bilang mag-asawa.
The last montage shown in the movie was heartfelt.
The lines accompanying that montage was perfect.
Merong maganda at hindi gaanong magandang bahagi ang istorya.
Kung papanuorin mong muli ang pelikula,
maaaring iilan lang ang iyong balikan
at hindi ang kabuuan.
Rewind para sa iilan at hindi sa kabuuan.
REWIND
⭐️⭐️
Cast: Marian Rivera, Dingdong Dantes, Coney Reyes, Lito Pimentel, Ariel Ureta, Sue Ramirez, Pepe Herrera, Via Antonio, Joross Gamboa, Chamyto Aguedan, Pamu Pamorada, Ina Feleo, Jordan Lim
Story by: Enrico C. Santos, Joel Mercado
Screenplay by: Enrico C. Santos
Presented by: Star Cinema, APT Entertainment, Agosto Dos
Date Released: December 25, 2023 in Philippine cinemas nationwide
A Movie Review by: Goldwin Reviews
🎫 WIN MMFF PASSES BY JOINING HERE: https://www.goldwinreviews.com/post/mmff-2023-passes